Leys størv

Hevur tú hug at arbeiða við KT, forritan og nýggjari tøkni? Dámar tær at loysa uppgávur saman við øðrum og síggja, at tað, tú mennir, verður brúkt í verki? So kanst tú vera tann, vit leita eftir.

Á deildini Menning arbeiða vit við skipanum, loysnunum og tøknini handan tænasturnar hjá Føroya Tele. Vit hava ein týðandi leiklut í at tryggja, at tøknin er trygg, nútíðarhóskandi og kann víðkast til onnur endamál. Vit menna og viðlíkahalda innanhýsis skipanir, arbeiða við sambindingum millum skipanir og eru við til at menna nýggjar vørur og tænastur.

Um starvið

Tú verður partur av einum toymi, har vit leggja dent á gott samstarv, fakliga menning og at hjálpa hvørjum øðrum. Vit arbeiða agilt við Scrum og JIRA, og vit brúka nýmótans arbeiðshættir – eisini vitlíki – til at gera arbeiðsgongdirnar smidligari og betri.

Vit arbeiða millum annað við .NET, DevOps og Kubernetes, men tær nýtist ikki at duga alt frammanundan. Tað týdningarmesta er, at tú hevur góðan áhuga fyri forritan, ert forvitin eftir nýggjari tøkni og hevur hug at læra.

Arbeiðsuppgávurnar fevna millum annað um at:

• menna og viðlíkahalda skipanir

• arbeiða við sambindingum millum skipanir

• taka lut í verkætlanum og toymisarbeiði tvørtur um deildir

• gera tøkniligt greiningararbeiði

• læra og brúka nýggja tøkni

• vera við til at skapa loysnir, sum gera gerandisdagin lættari hjá øðrum 

Vangamynd

Vit ímynda okkum, at tú:

• hevur áhuga fyri forritan

• hevur hug at læra um system design og tøkniligar loysnir

• dugir at samstarva og samskifta týðiliga

• tekur ábyrgd av tínum uppgávum, eisini tá nógv er á skránni

• ert forvitin, ábyrgdarfull/ur og opin fyri nýggjum arbeiðshættum

• hevur lokið KT-útbúgving á bachelor- ella kandidatstøði

Hevur tú royndir ella verkætlanir at vísa á, er tað ein fyrimunur – men tað týdningarmesta er, at tú hevur rætta hugburðin og áhuga fyri at mennast.

Vit bjóða tær

• eitt spennandi starv í einum føroyskum tøkniumhvørvi

• eitt toymi, har samanhald og sparring hava stóran týdning

• møguleika at arbeiða við nýggjari tøkni

• góðar møguleikar fyri fakligari og persónligari menning

• møguleika fyri fleksiblari arbeiðstíð

Starvsviðurskifti og umsókn

Arbeiðsstaður er í høvuðssætinum hjá Føroya Tele í Hoyvík. Setanarviðurskifti og løn verða ásett við støði í viðkomandi sáttmála.

Umsókn, lívsrensl og avrit av viðkomandi skjølum skulu vera okkum í hendi í seinasta lagi sunnudagin 18. oktobur 2026.

Vilt tú vita meira?

Tú ert vælkomin at seta teg í samband við Hall Holm Johannessen, tøkniligan toymisleiðara á Menning, á 243088 og hhjo@ft.fo ella Sonny Joensen, HR-ráðgeva, á 243009 og asj@ft.fo, um tú vilt vita meira um starvið. 

Sjálvboðin umsókn

Fólkið er hjartaslátturin hjá Føroya Tele Samtakinum, og tí vilja vit altíð frætta frá fólki, sum hava eitt brennandi ynski um at skapa sær eitt navn í fyritøkuni. Skulu vit ganga á odda í føroyska framburðinum, so krevur tað fyrst og fremst dugnalig, nærløgd og nøgd starvsfólk, ið duga at laga seg til ein heim í støðugari broyting. Lat hugin fremja verkið.

Send okkum eina sjálvbodna umsókn, tí so ert tú longu væl á veg. Sjálvbodnar umsóknir kunnu sendast talgilt umvegis hesa síðu .

Tá ið tú sendir okkum eina sjálvbodna umsókn, leggja vit stóran dent á, at umsóknin myndar teg sum tann persónin, tú ert. Minst tí til tann persónliga vinkulin umframt at upplýsa, hvørja útbúgving tú hevur, hvørjar royndir tú hevur, og hvat títt áhugaøki er. Vit gleða okkum at hoyra frá tær.

Við at senda okkum eina sjálvbodna umsókn játtar tú, at vit goyma tínar upplýsingar í 6 mánaðir.