Samskipari til KT-økið á Føroya Tele

Hevur tú góð evni at halda yvirlit og skapa framdrátt saman við øðrum? Trívist tú við at hava nógvar bóltar í luftini og tryggja, at arbeiðið flytir seg rætta vegin? So er tað kanska júst tær, vit leita eftir.

Um starvið
Sum samskipari verður tú ein virkin partur av KT-økinum, sum spælir ein lyklaleiklut í verkætlanum, har nýggjar vørur og tænastur verða mentar. Økið fevnir um eitt breitt arbeiðsøki – frá rakstri og viðlíkahaldi av skipanum til tøkniliga ráðgeving og menning av nýggjum loysnum. Vit arbeiða bæði við innanhýsis skipanum og tænastum, sum røkka víða út í samtakið. Hetta merkir, at uppgávurnar eru fjølbroyttar, og tú verður við til at skapa yvirlit, raðfesta og tryggja framdrátt – bæði í verandi uppgávum og teimum, sum liggja í bíðirøð. Tú hevur ábyrgd av at tryggja, at uppgávurnar eru væl greinaðar og lýstar, áðrenn tær verða settar í verk, eins og tú tekur stig til at beina burtur fyri forðingum, sum kunnu steðga gongdini. Eisini fert tú at stuðla undir og styrkja verandi mannagongdir á økinum.

Arbeiðsuppgávur:

• Stýra dagligu KT-uppgávunum og tryggja yvirlit yvir framgongd og bíðirøð

• Skipa fundir sambært scrum-arbeiðshættinum (t.d. daily, sprint planning, retrospective o.a.)

• Virka sum bindilið millum KT og aðrar deildir í samtakinum

• Tryggja, at uppgávur eru væl greinaðar og lýstar

• Geva regluligan status til uppgávustillarar og áhugapartar

• Menna og betra mannagongdir og samstarv tvørtur um samtakið

• Stýra smærri verkætlanum

Vit ímynda okkum, at tú

• Hevur góð evni at samskipa, raðfesta og tryggja framdrátt

• Dugir væl at samstarva og samskifta við ymiskar fakbólkar

• Torir at taka avgerðir og ert støðug/ur og smidlig/ur

• Trívist í einum umhvørvi, har ting broytast og mugu umraðfestast skjótt

• Hevur kunnleika til Atlassian/Jira og/ella royndir innan samskipan, verkætlanarstýring ella KT-rakstur (ikki krav, men ein fyrimunur)

Vit bjóða

• Fjølbroytt og týðandi starv, har tú veruliga gert mun

• Eitt spennandi umhvørvi, har nógv er á skránni 

• Ávirkan á, hvussu KT-arbeiðið verður skipað í einum framkomnum samtaki

• Góðan trivnað, sterkt samstarv og fleksibla arbeiðstíð

• Góða innleiðslu og vegleiðing í agilar arbeiðshættir, tøkni og mannagongdir

Umsókn og freist
Umsókn, lívsrensl og viðkomandi skjøl skulu sendast í seinasta lagi sunnudagin 31. august 2025. Starvið verður sett skjótast gjørligt ella eftir nærri avtalu. Arbeiðsstaður er í høvuðssætinum í Hoyvík. Setanar- og lønarviðurskifti verða ásett við støði í viðkomandi sáttmála ella royndum.