Leys størv

Hevur tú eyga fyri sølu, tøkni og kundatørvi? Trívist tú við at skapa loysnir, sum gera mun fyri kundan og leggja lunnar undir eitt gott og varandi samstarv? So er tað kanska tær, vit leita eftir.

Vit sóknast eftir einum vinnuráðgeva til terminal- og gjaldsloysnir, sum brennir fyri góðari ráðgeving og setur kundan í miðdepilin.

Um starvið

Sum vinnuráðgevi verður tú partur av Vinnudeildini – einum sterkum toymi við dugnaligum og royndum ráðgevum og tekniskum starvsfólkum at sparra við. Vit arbeiða tætt saman og leggja dent á dygd, samstarv og álítandi tænastu.

Tú fert, saman við øðrum ráðgeva, at hava ábyrgd av terminal- og gjaldsloysnum og at menna og røkja kundasambond. Starvið fevnir um sølu, ráðgeving og samskipan av loysnunum, so tær altíð eru lagaðar til tørvin hjá kundanum.

Ein týðandi partur av starvinum er at lurta eftir kundanum, skilja tørvin og umseta hann til haldgóðar loysnir, ið menna og røkja varandi kundasambond.

Arbeiðsuppgávur fevna m.a. um at:

·         Ráðgeva vinnukundum um terminal- og gjaldsloysnir, umframt aðrar viðkomandi tænastur

·         Samskipa uppsetan og veita support í samstarvi við tekniska toyminum

·         Skilja tørvin hjá kundanum og seta saman røttu loysnina

·         Byggja og røkja langvarandi kundasambond

·         Tryggja dygd og álítandi kundatænastu í øllum samskifti

Tín vangamynd

Vit ímynda okkum, at tú:

·         Ert fyrikomandi, forvitin og hevur lætt við at knýta samband við onnur

·         Hevur áhuga fyri sølu og tøkni

·         Arbeiðir sjálvstøðugt og miðvíst

·         Tekur ábyrgd og fylgir upp uppgávur

·         Hevur viðkomandi útbúgving og/ella royndir

Tað týdningarmesta er, at tú hevur áhuga fyri at skilja tørvin hjá kundanum og megnar at skapa loysnir, sum gera gerandisdagin lættari hjá okkara vinnukundum.

Vit bjóða tær

·         Eitt spennandi og fjølbroytt starv í einari framkomnari fyritøku

·         Møguleika at arbeiða sjálvstøðugt og við beinleiðis kundasambandi

·         Eitt arbeiðsumhvørvi, har trivnaður, samstarv og menning eru í hásæti

·         Góða innleiðslu og tætt samstarv við toymi og leiðslu

Arbeiðsstaður og løn

Arbeiðsstaður er í Hoyvík. Setanarviðurskifti og løn verða ásett við støði í viðkomandi sáttmála og royndum. Harumframt verður ískoyti veitt fyri úrtíðararbeiði.

Umsókn og freist

Ljóðar hetta sum starv fyri teg, gleða vit okkum at fáa tína umsókn við lívsrensli og viðkomandi skjølum í seinasta lagi sunnudagin 15. mars 2026.

Starvið verður sett skjótast gjørligt ella eftir nærri avtalu.

Samband

Vilt tú vita meira um starvið, ert tú vælkomin at seta teg í samband við:

Petur Mittún, vinnukundastjóra, á 243333 ella pmi@ft.fo
Báru M. Gásadal, starvsfólkastjóra, á 243006 ella bmg@ft.fo

Sjálvboðin umsókn

Fólkið er hjartaslátturin hjá Føroya Tele Samtakinum, og tí vilja vit altíð frætta frá fólki, sum hava eitt brennandi ynski um at skapa sær eitt navn í fyritøkuni. Skulu vit ganga á odda í føroyska framburðinum, so krevur tað fyrst og fremst dugnalig, nærløgd og nøgd starvsfólk, ið duga at laga seg til ein heim í støðugari broyting. Lat hugin fremja verkið.

Send okkum eina sjálvbodna umsókn, tí so ert tú longu væl á veg. Sjálvbodnar umsóknir kunnu sendast talgilt umvegis hesa síðu .

Tá ið tú sendir okkum eina sjálvbodna umsókn, leggja vit stóran dent á, at umsóknin myndar teg sum tann persónin, tú ert. Minst tí til tann persónliga vinkulin umframt at upplýsa, hvørja útbúgving tú hevur, hvørjar royndir tú hevur, og hvat títt áhugaøki er. Vit gleða okkum at hoyra frá tær.

Við at senda okkum eina sjálvbodna umsókn játtar tú, at vit goyma tínar upplýsingar í 6 mánaðir.